តំណមថ្ងៃចូលឆ្នាំចិនសំខាន់ៗដែលអ្នកត្រូវដឹង ដើម្បីកុំឲ្យមានគ្រោះធំ
សល់ប៉ុន្មានថ្ងៃទៀតប៉ុណ្ណោះ ថ្ងៃចូលឆ្នាំចិននឹងមកដល់ ហើយអ្នកក៏ត្រូវត្រៀមខ្លួនឲ្យរួចរាល់ដែរ។ អ្នកត្រូវតែដឹងថា តើអ្វីខ្លះអ្នកគួរធ្វើនិងមិនគួរធ្វើ។ តែ អ្វីដែលសំខាន់អ្នកត្រូវដឹងសិន ថាតើចិន តែងមានតំណមអ្វីខ្លះ សម្រាប់ថ្ងៃចូលឆ្នាំ?
១) កុំលេបថ្នាំ៖ គេជឿថា អ្នកអាចនឹងមានជំងឺរហូតពេញមួយឆ្នាំ បើអ្នកលេបថ្នាំនៅថ្ងៃចូលឆ្នាំនោះ។
២) កុំយកសំរាមទៅចោលក្រៅផ្ទះឲ្យសោះ៖ វាប្រៀបបាន នឹងច្រក ទ្រព្យឬ លាភចេញពីផ្ទះ ហើយយកទៅបោះចោលដែរ។
៣) កុំពិសាបបរនៅពេលព្រឹក៖ ពិសាបបរ ភាគច្រើនគេសន្មតថាអ្នកជាអ្នកក្រ ហើយគេមិនចង់ឲ្យអ្នកក្លាយជាអ្នកក្រ នៅថ្ងៃឆ្នាំថ្មីទេ។
៤) កុំបោកខោអាវឬកក់សោះ៖ គេមិនបោកខោអាវនៅថ្ងៃទី១និងទី២ ទេ ព្រោះវាជាថ្ងៃ បុណ្យព្រះគង្គា។ រីឯសក់វិញ ពាក្យចិនវាស្រដៀងនឹងពាក្យ ទ្រព្យ ដូចនេះគេមិនកក់សក់ឡើយ ដើម្បីកុំឲ្យអស់ទ្រព្យ។
៥) កុំឲ្យក្មេងយំ៖ បើក្មេងយំ ពេញផ្ទះ សំណាងនឹងមិនទៅរកអ្នកទេ។
៦) កុំឲ្យមានរបស់បែកបាក់៖ គេតែងតែថែរក្សារបស់របរមិនឲ្យបាក់បែកនៅថ្ងៃនោះ។
៧) កុំទៅពេទ្យ៖ បើទៅពេទ្យ វាប្រៀបបាន ទៅនឹងនាំយកជំងឺមកដាក់ខ្លួនដែរ។
៨) កុំឲ្យគេខ្ចីលុយ ហើយបើជំពាក់ត្រូវសងគេឲ្យអស់៖ បើអ្នកជំពាក់លុយគេ ត្រូវសងឲ្យអស់ ហើយក៏កុំឲ្យគេខ្ចីលុយនៅថ្ងៃចូលឆ្នាំដែរ ព្រោះវាមិននាំរឿងល្អដល់អ្នកឡើយ។
៩) កុំពាក់អាវសឬខ្មៅ៖ ពណ៌ទាំងនេះគឺជាពណ៌សំណាងអាក្រក់ ភាគច្រើនគេពាក់សម្រាប់បុណ្យសពទេ៕
ប្រែសម្រួល៖ ព្រំ សុវណ្ណកណ្ណិកា
ប្រភព៖ Chinihiglight.com
