ចំណុចសំខាន់ៗ៤យ៉ាង ដែលអ្នកគួររៀនសូត្រពីជនជាតិជប៉ុន
សម្រាប់ដែលអ្នកធ្លាប់ទៅ ប្រទេសជប៉ុនឬមួយក៏ធ្វើការជាមួយជនជាតិជប៉ុនមិនថានៅទីណាក៏ដោយ ពួកគេតែងតែប្រកាន់ខ្ជាប់រឿងទាំង៤នេះ។ តើមានអ្វីខ្លះទៅ?
១) ប្រកាន់សុចរិតភាពជានិច្ច៖ អ្នកមិនអាចរកបានមនុស្សណាដែលប្រកាន់សុចរិតភាព គ្រប់ទីកន្លែងបានទេ។ សុចរិតភាពនេះបានន័យ ថា ការធ្វើរឿងដែលត្រឹមត្រូវ។ មិនថាមានអ្នកឃើញឬក៏មិនមានអ្នកឃើញក៏ដោយ ពួកគេតែងតែប្រកាន់យកនូវអ្វីដែលត្រូវជានិច្ច ហើយមិនចាំបាច់អ្នកណាមកអប់រំឡើយ។
២) តែងតែស្អាតគ្រប់ពេល៖ អ្នកមិនអាចរកកន្លែងណាដែលស្អាតបានគ្រប់១០នោះទេ នៅក្នុងលោកនេះ។ តែយ៉ាងហោចណាស់ ធានាថាប្រទេសជប៉ុនគឺជាប់ចំណាត់ថ្នាក់ខាងស្អាត និងមានអនាម័យលើគេហើយ។ ប្រជាជនជប៉ុនតែងបណ្ដុះស្មារតីតាំងតែពីតូច ថាឲ្យចេះសម្អាតនិងមានអនាម័យ ហើយពួកគេតែងតែគោរព។ នៅជប៉ុន អ្នកមិនងាយនឹងរកឃើញសំរាម នៅតាមទីសាធារណៈឡើយ។
៣) តែងតែគួរសម និងចេះគោរពគ្នា ៖ ទោះបីគេស្គាល់ឬក៏ពុំស្គាល់អ្នកក៏ ដោយ គេតែងតែគោរព លំទោន និងផ្ដល់សិទ្ធិដល់អ្នកមុនគេជានិច្ច។
៤) ស្រឡាញ់ជាតិសាសន៍ខ្លួនណាស់៖ ពួកគេជាបុគ្គលដែលស្នេហាជាតិខ្លាំង អ្នកអាចសង្កេតមើលតាម ផលិតផល និងភាសាក៏បាន ពួកគេកម្រនឹងនាំចូលផលិតផលស្រុកដទៃ ណាស់។ រាល់ផលិតផលទាំងអស់គឺសុទ្ធតែរបស់ក្នុងស្រុក ហើយអ្វីក៏ដោយ ក៏ពួកគេអាចមានលទ្ធភាពផលិតខ្លួនឯងបានដែរ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ lifehack.org
