ប្រុសៗ នឹងមិនចំណាយពេលស្ដាប់អ្នកទេ បើអ្នកលេងចារិតបែបនេះនោះ
ពេលខ្លះបើគេមិនយកត្រចៀកស្ដាប់អ្នកហើយ អ្នកត្រូវដឹងថា នេះដោយសារអ្នកហួសហេតុពេក។ មិនត្រឹមតែប៉ុណ្ណោះ នេះអាចមកពីអ្នករឹងរូស និយាយមិនចេះស្ដាប់ផង បានជាបុរសៗទាំងនោះ មិនចាប់អារម្មណ៍ចង់ស្ដាប់អ្នកនិយាយតទៀត។ ខាងក្រោមនេះជាអ្វីដែលអ្នកត្រូវដឹង៖
១) នារីៗ តែងចង់ឱ្យគេយល់ស្របខ្លួនគ្រប់ពេល៖ គ្មាននរណាម្នាក់អាចអង្គុយចាំតែយល់ស្របអ្នកគ្រប់ពេលទេ ។ ច្បាស់ណាស់ថាគេតែងយល់ស្របអ្នករឿងខ្លះ តែវាក៏មិនមែនរឿងទាំងអស់ដែលអ្នកធ្វើនោះគឺត្រឹមត្រូវដែរ។ ដូចនេះ កុំទាមទារឲ្យគេយល់ស្របអ្នកគ្រប់ពេលរហូតពេកអី។
២) និយាយវែងឆ្ងាយពេក៖ បុរសៗ មិនសូវចូលចិត្តការនិយាយវែងឆ្ងាយ បែកអូរ ហូរស្ទឹងឡើយ។ អ្នកគួរនិយាយអ្វីមួយឲ្យចំៗ ហើយត្រូវចំណុចនិងសាច់រឿង នោះគេនឹងឆាប់ចាប់ន័យបានលឿន។
៣) សួរគេ ពេលកំពុងរវល់ ៖ បើគេកំពុងរវល់ គ្មានអ្នកណាទៅមានពេលស្ដាប់អ្នកនិយាយឡើយ។ ដូចនេះសូមកុំខឹងព្រោះ វាជាកំហុសអ្នកដែលសួរខុសពេល។
៤) អ្នកចង់ឲ្យគេចាប់អារម្មណ៍អ្វីដូចអ្នកដែរ៖ វាស្រេចតែលើគេ ទេ ព្រោះអ្នកមិនអាចបង្ខំនរណាម្នាក់ឲ្យមកចូលចិត្តអ្វីដូចអ្នកបានឡើយ។ ដូចនេះបើអ្នកនិយាយអ្វីដែលគេមិនចូលចិត្ត ហើយគេមិនតប សូមកុំខឹងគេឲ្យសោះ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ lifescript.com
