ប្រសិនបើចង់ក្លាយជាវេជ្ជបណ្ឌិត អ្នកត្រូវបោះបង់គំនិតទាំងនេះចេញសិន
យើងដឹងហើយថាដើម្បីក្លាយជាវេជ្ជបណ្ឌិតឬផ្លូវទៅភាពជាវេជ្ជបណ្ឌិតត្រូវការលះបង់ច្រើន ហើយវាជាផ្លូវមានដ៏វែង។ នៅពេលរៀន សិស្សពេទ្យត្រូវការរយៈពេលច្រើនម៉ោង និង ច្រើនឆ្នាំ។ ដល់ពេលចេញធ្វើការ ពួកគាត់ក៏ត្រូវចំណាយជាច្រើនម៉ោងនៅមន្ទីរពេទ្យ។ ដូច្នេះហើយ វាមិនមែនជារឿងងាយស្រួលនោះទេ ខាងក្រោមនេះជាចំណុចដែលអ្នកត្រូវលះបង់ប្រសិនជាអ្នកចង់ក្លាយជាវេជ្ជបណ្ឌិត៖
១) ចង់ក្លាយជាអ្នកមាន៖ ប្រសិនជាអ្នកចង់ក្លាយជា វេជ្ជបណ្ឌិតដើម្បីក្លាយជាអ្នកមាន វាមានវិធីច្រើនទៀតដែលអាចជួយអ្នកបាន។ អ្នកមិនចាំបាច់ក្លាយជា វេជ្ជបណ្ឌិតដើម្បី ក្លាយជាអ្នកមាននោះទេ។ អ្នកគួរតែមានគំនិតនឹងមានមោទនភាពក្នុងការជួយសង្គ្រោះជីវិតមនុស្ស។ បើមិនដូច្នោះទេ អ្នកនឹងក្លាយជាវេជ្ជបណ្ឌិតដែលមិនល្អ ពោលគឺគិតតែរឿងលុយជាសំខាន់មិនខាន។
២) ផ្លាស់ប្តូរពិភពលោក៖ ទោះបីជាអាជីពវេជ្ជបណ្ឌិតនេះអាចធ្វើរឿងដែលអស្ចារ្យជាច្រើន នៅពេលមនុស្សប្រើប្រាស់វាក្នុងផ្លូវត្រឹមត្រូវ។ ប៉ុន្តែ អ្នកត្រូវចងចាំថាអ្នកមិនអាចផ្លាស់ប្តូរភាពក្រីក្រឬសង្គ្រាមនោះទេ។
៣) ការគេង៖ គ្រូពេទ្យគឺរវល់លើសពី២៤ម៉ោងទៅទៀត។ អ្នកក៏ត្រូវបានគេហៅគ្រប់ពេល។ រៀងរាល់អាទិត្យ អ្នកត្រូវយាមយ៉ាងហោចណាស់មួយយប់នៅមន្ទីរពេទ្យ។
ប្រែសម្រួល៖ អុឹង មុយយូ ប្រភព៖www.doceatdoc.com
