ខណៈកាលបរិច្ឆេទប្រកាសចេញស្មាតហ្វូនត្រកូល Galaxy S ថ្មីដែលអាចមានឈ្មោះ Galaxy S8 របស់ Samsung រំកិលជិតដល់កាលកំណត់នោះ ក៏មានរូបគំរូ (concept + render) មួយចំនួនបានបែកធ្លាយជាបន្តបន្ទាប់ ដែលសង្កេតឃើញថា ពិតជាមានរូបរាងទំនើប ទាន់សម័យប្រសិនបើមានពិត នោះនឹងអាចអន្ទងចិត្តអតិថិជនមិនតិចនាក់ទេ។ ជាក់ស្ដែងថ្មីៗ នេះ មានការបង្ហោះគំរូរូប render ប៉ុន្មានសន្លឹកដែលអាចជា រូបរាងស្មាតហ្វូនស៊េរីក្រោយ Galaxy S8។
https://youtu.be/ooFNXWkuqn4
ស្ថិតក្រោមទម្រង់រូប 3D render ដែលគេរំពឹងថាអាចជារូបរាងចុងក្រោយរបស់ Galaxy S8 នោះ គេសង្កេត ទូរស័ព្ទនេះ មានកញ្ចក់អេក្រង់កោងបញ្ឆិតដូចជា Galaxy S7 Edge ដែរ ប៉ុន្តែពិសេសជាងនៅត្រង់ វាមានគែមទូរស័ព្ទស្ដើង ស្ទើរតែគ្របដណ្ដប់ដោយសាច់អេក្រង់ពេញទៅហើយ ទុកតែផ្នែកខាងលើ និងខាងក្រោមបន្តិចប៉ុណ្ណោះ។
រូបទាំងអស់មានចំនួន ៣សន្លឹក ដែលជាប្រភេទរូប 3D render។ ក្រុមហ៊ុនច្បាស់ជា នឹងបន្តផលិតចេញស្មាតហ្វូនអេក្រង់កោងជាបន្តទៀត ដូច្នេះគំរូទូរស័ព្ទនេះ អាចជា Galaxy S8 Edge។ Galaxy S8 Edge នឹងមានភ្ជាប់មកជាមួយ speaker ប្រភេទ stereo ហើយនៅរក្សារន្ធ microUSB ខណៈដែល Note 7 និង Galaxy A 2017 គឺបានបំពាក់រន្ធ USB-C នោះទេ។
បើមើលតាមរូប 3D render នេះ គឺពុំឃើញមានកាមេរ៉ាក្រោយពីរគ្រាប់នៅឡើយ ខណៈដែលចចាមអារ៉ាមថ្មីៗ បានលើកឡើងថា កាមេរ៉ាភ្លោះនឹងត្រូវបំពាក់តែនៅលើ Galaxy S8 Plus តែមួយគត់។ ប្រភពដដែល លើកឡើងថា Galaxy S8 នឹងត្រូវក្រុមហ៊ុន Samsung ប្រកាសផ្លូវការនៅថ្ងៃទី១៨ ខែមេសាខាងមុខ៕
