ពិតឬមិនពិត៖ អ្នកដែលមានភ្នែកតូចភាគច្រើនជាមនុស្សស្មោះត្រង់ ចំណែកអ្នកមានចិញ្ចើមក្រាស់ជាមនុស្សសម្បូរគំនិត
អ្នកនឹងមានអារម្មណ៍ថា ភ្ញាក់ផ្អើល ពេលបានដឹង ថាមុខមាត់អ្នកអាចបង្ហាញពីបុគ្គលិកលក្ខណៈខ្លួនយ៉ាងណាខ្លះនោះ។ នេះបើយោងតាមក្បូនមើលទម្រង់មុខរបស់ចិន។
បើអ្នកចង់ដឹងថាពិតមិនពិតអ្នកគួរសាកល្បងអានអត្ថបទខាងក្រោមសិនទៅ៖
១) ភ្នែក ៖ ភាគច្រើនអ្នកមានត្របកភ្នែកតូចឬលឹប អ្នកគឺជាមនុស្សដែលមិនឆាប់រំជួលចិត្តទេ តែ អ្នកជាមនុស្សស្មោះត្រង់បំផុតហើយ។ តែបើអ្នកមានត្របកភ្នែកច្រើនជាន់ អ្នកគឺជាមនុស្សឆាប់រំជួលចិត្ត ហើយច្រើនធ្វើអ្វីដោយប្រើអារម្មណ៍ខ្លួនជ្រាលជ្រៅតែម្ដង។
២) ចិញ្ចើម៖ មនុស្សមានចិញ្ចើមក្រាស់ ភាគច្រើនសំបូរគំនិតរាប់មិនអស់ ហើយបើចុងចិញ្ចើមក្រាស់ ជាមនុស្សដែលចាប់ផ្ដើមធ្វើអ្វីមួយតែងតែជោគជ័យគ្រប់ពេល។ ចិញ្ចើមខ្ពស់ បង្ហាញពីភាពអត់ធ្មត់ ឯចិញ្ចើមទាបជាមនុស្សមិនសូវមានការអត់ធ្មត់។
៣) ត្រចៀក៖ អ្នកត្រចៀកធំ ច្រើនតែពូកែស្ដាប់ ហើយអ្នកមានត្រចៀកខ្ពស់ ជាមនុស្សរៀនឆាប់ចេះ។
៤) ច្រមុះ៖ អ្នកមានច្រមុះមិនសូវវែង បង្ហាញថាអ្នកជាមនុស្សខិតខំធ្វើការ ឯអ្នកមានច្រមុះស្រួច ភាគច្រើនអ្នកនឹងក្លាយជាអ្នកដឹកនាំគេថ្ងៃមុខ។
៥) ចង្កា ៖ អ្នកមានចង្កាស្រួច ឬ អក្សរV ភាគច្រើនតែងមានសុខភាពខ្សោយ ឯចង្ការាងទាល បង្ហាញថាអ្នកជាមនុស្សឆាប់ខឹង។
៦) មាត់៖ អ្នកមានមាត់រាងធំបន្តិចបង្ហាញថាអ្នករួសរាយខ្លាំង មិនថាអ្នកស្គាល់ឬអ្នកមិនស្គាល់នោះទេ អ្នកតែងរាក់ទាក់ដាក់គេ។
សូមបញ្ជាក់ថា នេះមិនមែនមានន័យថា អ្វីៗសុទ្ធតែត្រឹមត្រូវទាំងអស់នោះទេ ហើយយើងក៏មិនអាចវាយតម្លៃលើមនុស្សម្នាក់ទាំងស្រុងដោយផ្នែកលើចំណុចទាំងនេះដែរ ប៉ុន្តែវាគ្រាន់តែជាការចំណាំខ្លះៗប៉ុណ្ណោះដោយផ្អែកដោយលើក្បួូនចិន៕
ប្រែសម្រួល៖ ព្រំ សុវណ្ណកណ្ណិកា
ប្រភព៖ powerofpositivity
