វិធីសាស្ត្របីយ៉ាង ដើម្បីកុំឲ្យខ្លួនឯងក្លាយជាមនុស្សពូកែរអ៊ូង៉ូវៗ
ប្រសិនជាអ្នកមានពេលទៅរអ៊ូអ្វីមួយ នោះមានន័យថាអ្នកមានពេលទៅធ្វើអ្វីមួយផ្សេងទៀត។ តែប្រសិនជាអ្នករអ៊ូច្រើនពេក អ្នកក៏មិនទទួលបានអ្វីដែរ។ ខាងក្រោមនេះជាយុទ្ធសាស្ត្រដែលអ្នកអាចកែប្រែបាន៖
១) កុំអនុញ្ញាតអ្នកដទៃរំខានដល់ការគិតរបស់អ្នក៖ វាងាយស្រួលក្នុងការនិយាយ ប៉ុន្តែវាពិបាកក្នុងការអនុវត្ត។ ហេតុដូច្នេះហើយ អ្នកមិនត្រូវឲ្យអ្នកដទៃចូលមកក្នុុងការគិត ឬ ឈានដល់ការសម្រេចចិត្តជំនួសអ្នកនោះឡើយ។ អ្នកអាចស្តាប់យោបល់របស់មនុស្សផ្សេងៗបាន ប៉ុន្តែអ្នកត្រូវតែសម្រេចចិត្តដោយខ្លួនឯង បើមិនដូច្នោះទេ ចុងក្រោយគឺប្រាកដជា អង្គុយរអ៊ូមិនខាន ព្រោះថា លទ្ធផលមិនសមប្រកប។
២) រកដំណោះស្រាយ៖ វាជារឿងធម្មតាដែលមនុស្សមិនសប្បាយចិត្តនៅពេលរឿងអាក្រក់កើតឡើង។ ប៉ុន្តែ អ្នកមានជម្រើសក្នុងការឆ្លើយតបទៅនឹងស្ថានភាពនោះ។ ដកដង្ហើមឲ្យបានធំរួចរកដំណោះស្រាយ មិនមែនអង្គុយតែបន្ទោសនេះបន្ទោសនោះឡើយ ព្រោះវាមិនអាចជួយអ្វីបានសូម្បីតែបន្តិច តែវាកាន់តែបង្កឲ្យមានភាពស្មុុគស្មាញកាន់តែខ្លាំង។
៣) គិតវិជ្ជមានជានិច្ច៖ ត្រូវចាំថា លទ្ធផលមួយភាគធំគឺកើតចេញពីការគិត។ បើគិតល្អនោះលទ្ធផលប្រាកដជាល្អ តែបើគិតថា មិនកើតឡើង សូមកុំសង្ឃឹមលើលទ្ធផលឲ្យសោះ។ ការគិតបែបវិជ្ជមាន នឹងក្លាយជាកម្លាំងចិត្តដ៏សំខាន់សម្រាប់អ្នក ក្នុងការបន្តដំណើរជីវិតទៅមុខទៀត ទោះបីជាជួបការលំបាកប៉ុណ្ណាក៏ដោយ៕
ប្រែសម្រួល៖ អុឹង មុយយូ ប្រភព៖ www.powerofpositivity.com
