តាមការស្រាវជ្រាវ៖ មានអារម្មណ៍ថាខ្លួនក្រ នឹងធ្វើឲ្យអ្នកឆាប់ចាស់
ការមានអារម្មណ៍ថាខ្លួនក្រ អាចធ្វើឲ្យអ្នកពិបាកចិត្តឬកើតទុក្ខរហូតមានមុខចាស់ជាងវ័យ។ នេះបើតាមការស្រាវជ្រាវមួយ ដែលចំណាយពេលអស់ជាច្រើនឆ្នាំ ហើយទើបតែចេញផ្សាយលទ្ធផលថ្មីៗនេះ។ បើតាមការស្រាវជ្រាវរបស់សាកលវិទ្យាល័យ Miami ដែលធ្វើឡើងតាំងពីឆ្នាំ១៩៨៥ រហូតដល់ឆ្នាំ២០១០ ទៅលើមនុស្សពេញវ័យចំនួន៣០០០ ហើយទើបតែចេញផ្សាយជាផ្លូវការនៅឆ្នាំ២០១៧នេះ បានបង្ហាញយ៉ាងច្បាស់ថា មនុស្សទាំងឡាយណាដែលរស់នៅក្នុងស្ថានភាពក្រីក្រ នឹងធ្វើឲ្យពួកគេមានឆាប់ចាស់ជាងវ័យ។ ក្នុងការសិក្សានេះ បានបញ្ជាក់លម្អិតថា ទោះបីអ្នកមិនក្រក៏ដោយ តែឲ្យតែមានអារម្មណ៍ថា ខ្លួនមិនមានទ្រព្យសម្បត្តិច្រើន ហើយខ្វះនេះខ្វះនោះមិនអាចគ្រប់តាមការចង់បានរបស់ខ្លួននោះ ក៏ធ្វើឲ្យអ្នកឆាប់ចាស់ដូចគ្នា។៕
ប្រែសម្រួល៖ អឹុង មុយយូ
ប្រភព៖ www.cnbc.com
