បុគ្គលិកអន់ចរិត ៣ប្រភេទនេះ ថ្នាក់លើគ្មានស្ទាក់ស្ទើរបញ្ឈប់ពីការងារបន្តិចឡើយ
តើអ្នកជាមនុស្សដែលឧស្សាហ៍ ? តើអ្នកជាមនុស្សដែលស្មោះត្រង់? ប៉ុន្តែ នេះក៏មិនមែនន័យថាអ្នកនឹងមានការងាររហូតដែរ។ អ្នកត្រូវបង្ហាញថាអ្នកពិតជាមានតម្លៃនៅក្នុងក្រុមហ៊ុន។ ខាងក្រោមនេះជាប្រភេទដែលក្រុមហ៊ុនមិនចង់បានបុគ្គលប្រភេទនេះតទៅទៀត៖
១) ធ្វើឲ្យតែរួចពីដៃ៖ អ្នកខ្លះ នៅពេលចាប់ផ្តើមការងារដំបូង មើលទៅហាក់់ដូចជាខិតខំខ្លាំងណាស់ តែឥឡូវបែរជាមិនដូចមុន ពោលគឺធ្វើឲ្យតែហើយពីដៃប៉ុណ្ណោះ។ វាបង្ហាញថាអ្នកជាមនុស្សដែលមិនចង់អភិវឌ្ឍន៍ទៅមុនទៀត។ ត្រូវចាំថា ថ្នាក់លើគេសង្កេតអ្នកសឹង
២) គ្មានគោលដៅ៖ មនុស្សដែលគ្មានគោលដៅច្បាស់លាស់ គឺមួយថ្ងៃៗរស់នៅប្រៀបដូចជាដងដង្ហើម គ្មានបានប្រយោជន៍អ្វីសោះ ព្រោះពួកគេមិនដឹងថា គួរធ្វើអ្វី ហើយដើម្បី។ បើនិយាយអំពីបុគ្គលិកវិញ បើជាមនុស្សដែលគ្មានគោលដៅនោះគឺ គ្មានថ្ងៃស្គាល់ការរីកចម្រើននោះឡើយ ហើយថ្នាក់លើនឹងសម្រេចចិត្តដកចេញ មិនស្ទាក់ស្ទើនោះឡើយ ព្រោះមនុស្សនេះ «ទុកក៏មិនចំនេញ ដកចេញក៏មិនខាត»។
៣) មិនដែលសម្រេចលទ្ធផល៖ ចំពោះបុគ្គលិកមួយចំនួន មកធ្វើការឲ្យផុតតែពីផ្ទះប៉ុណ្ណោះ ហើយពេលដល់កន្លែងធ្វើការនោះ គឺអង្គុយរាប់ទ្រនិចនាឡិកា ដើម្បីបានទៅផ្ទះឆាប់។ ដូច្នេះហើយ ក្នុងមួយថ្ងៃៗដែលកន្លែងផុតនោះ គឺគ្មានលទ្ធផលអ្វីកើតឡើងនោះទេ។ ចំពោះបុគ្គលិកប្រភេទនេះ ថ្នាក់លើដកចោលមិនស្តាយនោះទេ៕
ប្រែសម្រួល៖ អុឹង មុយយូ ប្រភព៖ www.cheatsheet.com
