បុរសខ្លាំងហ្វីលីពីន Duterte៖ សមាជិកគ្រួសារខ្ញុំអាចចូលរួមជាមួយ ISIS
បុរសខ្លាំងហ្វីលីពីន លោក Duterte បានថ្លែងកាលពីម្សិលមិញថា សមាជិកគ្រួសាររបស់លោកមួយចំនួនប្រហែលជាបានចូលរួមជាមួយក្រុម ISIS។
លោកថែមទាំងបានលើកឡើងពីក្រុមនិយមជ្រុលមួយចំនួនអាចនឹងជាប់ទាក់ទិនទៅនឹងការវាយប្រហារដោយគ្រាប់បែកពីរលើកកាលពីពេលថ្មីៗនេះ ហើយថែមទាំងទទួលស្គាល់ថា មានវត្តមាន ISIS នៅក្នុងប្រទេសរបស់លោក។ លោក Duterte ថ្លែងបន្តទៀតថា បងប្អូនជីដូនមួយរបស់លោក ក៏ជាសមាជិកនៃក្រុមបំបែកខ្លួនឥស្លាមជ្រុលនិយមក្នុងស្រុក Moro និងរណសិរ្សរំដោះជាតិ Moro ហើយពួកក៏ទំនងចូលជាមួយនឹងក្រុមរដ្ឋឥស្លាមដែរ។
សូមបញ្ជាក់ថា គិតមកទល់នឹងពេលនេះ មានអ្នកស្លាប់ប្រមាណ ៥៩២៧នាក់ដែលបានជាប់ពាក់ព័ន្ធនឹងរឿងគ្រឿងញៀន៕
ដោយ៖ វាសនា
