ហេតុផល៣យ៉ាង ដែលអ្នកគួរលៃលកដើរលេងម្នាក់ឯងយ៉ាងហោចណាស់ ឲ្យបានម្ដងក្នុងជីវិត
ទោះបីជាការដើរលេងជាមួយគ្រួសារឬមិត្តភ័ក្តិអស្ចារ្យប៉ុណ្ណាក៏ដោយ តែការដើរលេងម្នាក់ឯងក៏អស្ចារ្យ និង សំខាន់ណាស់ដែរ។ អ្វីដែលសំខាន់នោះ ការដើរលេងតែម្នាក់ឯងផ្តល់ផលប្រយោជន៍ជាច្រើន ដែលយើងមិនគួរមើលរំលង។ ខាងក្រោមនេះជាហេតុផលទាំង៣យ៉ាងដែលអ្នកគួរដើរលេងម្នាក់ឯងយ៉ាងហោចណាស់ម្តងក្នុងមួយជីវិត៖
១) ពឹងពាក់លើខ្លួនឯង៖ អ្នកដឹងស្វែងយល់ពីខ្លួនឯងនិងដឹងថាខ្លួនឯងពិតជាអស្ចារ្យនឹងអាចពឹងពាក់លើខ្លួនឯងបាន នៅពេលដែលគ្មាននរណាម្នាក់នៅក្បែរ។ ការដឹងពីខ្លួនឯងថាអស្ចារ្យនឹងជួយបង្កើនដល់ទំនុកចិត្តលើខ្លួនឯងនិងជួយអ្នកសម្រេចកិច្ចការបានល្អជាងមុន។
២) ជួបមនុស្សថ្មីៗ៖ ប្រសិនជាអ្នកចូលចិត្តរាប់អានមនុស្សថ្មីៗ នេះជាឱកាសរបស់អ្នកហើយ។ អ្នកនឹងស្គាល់មនុស្សជាច្រើននៅពេលអ្នកដើរលេងម្នាក់ឯង។ ការជួបមនុស្សមកពីប្រភពផ្សេងគ្នានឹងជួយបង្កើនចំណេះដឹងដល់អ្នក។
៣) ធ្វើអ្វីដែលអ្នកចង់៖ នៅ ពេលដែលអ្នកដើរលេងម្នាក់ឯង អ្នកមិនចាំបាច់ធ្វើអ្វីដែលអ្នកមិនចង់នោះទេ។ ដោយសារតែវាមានតែអ្នក អ្នកអាចធ្វើការសម្រេចចិត្តតាមចិត្ត។ របៀបដែលអ្នកចង់សប្បាយគឺអាស្រ័យទៅលើអ្នក៕
ប្រែសម្រួល៖ អុឹង មុយយូ ប្រភព៖ www.lifehack.org
