ទស្សនវិទូដាណឺម៉ាក លោក Soren Kierkegaard ៖«កុំភ្លេចស្រលាញ់ខ្លួនឯង»
មនុស្សជាច្រើនតែងត្អូញត្អែរថា ខ្លួនមិនត្រូវបានគេយកចិត្តទុកដាក់ ស្រលាញ់ និង រាប់អាននោះឡើយ ដូច្នេះហើយនាំឲ្យមានអារម្មណ៍ថា ឯកា និង ធ្លាក់ទឹកចិត្ត។ ប៉ុន្តែអ្នកខ្លះ បានព្យាយាមឲ្យគេស្រលាញ់ និង យកចិត្តទុកដាក់ចំពោះខ្លួន ទាំងខ្លួនឯងហ្នឹងមិនទាន់ចេះស្រលាញ់ខ្លួន ឯងផង។
ជាទូទៅ គ្រប់គ្នាសុទ្ធតែគិតថា ខ្លួនចេះស្រលាញ់ខ្លួនឯងយ៉ាងច្រើនហើយ ប៉ុន្តែបើមើលទៅសកម្មភាពជាក់ស្ដែង គឺមិនមែនអ៊ីចឹងនោះទេ ព្រោះអ្វីដែលកំពុងធ្វើនោះគឺកំពុងបំបាក់ទឹកចិត្តខ្លួនឯង កំពុងបំផ្លាញសុខភាពខ្លួនឯង មិនផ្ដល់តម្លៃឲ្យខ្លួនឯង និង មិនចេះផ្ដល់រង្វាន់ដល់ខ្លួនឯងជាដើម ជាហេតុនាំឲ្យលទ្ធផលដែលចេញមកគឺមានតែភាពអវិជ្ជមាន។
ដូចលោក Soren Kierkegaard ទស្សនវិទូដាណឺម៉ាកបានលើកឡើងថា៖ «កុំភ្លេចស្រលាញ់ខ្លួនឯង»។ មិនថាមានអ្វីកើតឡើងនោះទេ សូមកុំភ្លេចស្រលាញ់ខ្លួនឯង។ មានន័យថា បើមិនទាន់ចេះស្រលាញ់ខ្លួនឯងទេ សូមកុំសង្ឃឹមថា គេនឹងស្រលាញ់អ្នកឲ្យសោះ៕
ដោយ៖ រតនា វិចិត្រ
