ចង់បានរូបថតមង្គលការស្អាតៗជាអនុស្សាវរីយភ្លេចមិនបានមែនទេ? គំនិតទាំងនេះនឹងល្អសម្រាប់អ្នក
ថ្ងៃមង្គលការគឺពិតជាពិសេសខ្លាំងបំផុតក្នុងមួយឆាកជីវិត ហើយអ្នកទាំង២គឺជាមនុស្សរីករាយជាងគេបំផុតក្នុងលោក នាថ្ងៃនោះ។ អ្នកប្រហែលជាមិនចង់ឲ្យពេលដើរលឿនឡើយ តែអ្នកមិនអាចឃាត់វាឲ្យឈប់បានទេ ។ មានតែការថតរូបប៉ុណ្ណោះ ដែលជាអនុស្សាវរីយ ឲ្យអ្នកសប្បាយចិត្តហើយនឹកឃើញ ដល់ថ្ងៃរៀបការនោះម្ដងទៀត។ ដូចនេះតើគួរធ្វើយ៉ាងណាដើម្បីបានរូបថតអនុស្សាវរីយស្អាតៗ និងភ្លេចមិនបាន?
១) រូបថតដែលសប្បាយៗជុំគ្នា ជាមួយបងប្អូននឹងមិត្ត៖ អ្នកគួរតែបង្ហាញសកម្មភាពសប្បាយៗ ធ្វើមុខមាត់គួរឲ្យចង់សើចជាមួយមិត្តនិងបងប្អូនឲ្យបានច្រើន ដើម្បីបង្កើនបរិយាកាសឲ្យកាន់តែរីករាយខ្លាំង ហើយការ ចងចាំនិងថិតថេរជាប់រៀងរហូត។
២) រើសជាងថតរូបឲ្យត្រូវ៖ រូបថតមង្គលការ អាចទុកមើលមួយជីវិតឬលើសពីជីវិតអ្នកទៀត។ អ្នកអាចទុកឲ្យចៅៗ ឬចៅទួតរបស់អ្នកមើលទៀតក៏ថាបាន។ ដូចនេះរូបថតពិតជាសំខាន់ណាស់ ដើម្បីកុំឲ្យស្ដាយក្រោយខ្លាំង អ្នកគួរតែមើលឲ្យបានដិតដល់ថាតើជាងថតរូបមួយណាស័ក្ដិសមសម្រាប់មង្គលការអ្នក។
៣) កូនក្រមុំនិងកូនកំលោះត្រូវស្រស់ស្អាតទាំង២នាក់៖ ថ្ងៃនេះសូមឲ្យអ្នកទាំង២ត្រូវតែស្អាតគ្រប់ពេល មិនថាពេលថតរូបឬពេលណាទេ។
៤) ម៉ូតសក់ត្រូវតែស័ក្ដិសមឥតខ្ចោះ៖ ពេលខ្លះអ្នកស្អាតទាំងអស់ហើយ តែម៉ូតសក់របស់អ្នកមិនស្អាត ហើយវានឹងទាញសម្រស់អ្នកឲ្យធ្លាក់ចុះ ឬក៏មើលទៅចាស់តែម្ដង។ ដូចនេះអ្នកត្រូវជ្រើសរើសឲ្យហើយថាម៉ូតណាស័ក្ដិសមនឹងអ្នក។
៥) គួរលួចថតដោយមិនដឹងខ្លួន៖ ពេលខ្លះការថតដោយមិនដឹងខ្លួនវាបង្ហាញពីអារម្មណ៍ពិតដែលអ្នកមានចំពោះគ្នា ហើយរូបនោះក៏វាស្អាតលើសពីការរំពឹងទុកដែរ។ ស្នាមញញឹមកើតមានដោយឯកឯងគឺវាមានន័យហើយស្អាតជាងស្នាមញញឹមដែលប្រឹងធ្វើ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ lifehack
