អ្នកស្ទើរនឹងមិនជឿពេលដឹងថា នៅលើយន្តហោះក៏មានរឿងគួរឲ្យខ្ពើមរអើមទាំងនេះដែរ
ទិញសំបុត្រយន្តហោះ ចាំថ្ងៃហោះហើរ ដើរចូលទៅឆែកឆេរ ចាំនៅកន្លែងរង់ចាំ ហើយឡើងទៅលើយន្តហោះ សុទ្ធតែជារឿងធម្មតាដែលអ្នកត្រូវធ្វើមុនហោះហើរ ។ តែអ្នកមិនដឹងឡើយ ថាមានរឿងគួរឲ្យខ្ពើមរអើមជាច្រើន ដែលកើតមាន ហើយមានតែអ្នកបម្រើការយន្តហោះទេ ទើបដឹងថាវាជាអ្វី។ តើមានរឿងអ្វីខ្លះទៅ?
១) មេរោគជាច្រើននៅក្នុងយន្តហោះ ៖ នារី អាកាសចរណ៍ម្នាក់ បានបង្ហាញថា នាងបានឃើញបុរសវ័យចំណាស់ម្នាក់បាន បត់ជើងធំក្រៅបន្ទប់ទឹក បន្ទាប់មកគាត់ក៏បានជាន់វាហើយដើរពាសពេញទីធ្លាយន្តហោះនោះតែម្ដង។ មិនត្រឹមតែប៉ុណ្ណោះ អ្នកដំណើរខ្លះមានរបួសខ្ទុះឈាម ហើយពួកគេជូតសម្អាតវាលើយន្តហោះតែម្ដង អ្នកខ្លះវិញឈាមច្រមុះហើយថែទាំងដូរខោទឹកនោមកូនក្មេងនៅទីនោះទៀត។
២) អារម្មណ៍ភាំងហើយច្របូកច្របល់៖ អ្នកមិនដឹងឡើយថា បុរសម្នាក់បានលាឈប់ពីការងារជាអ្នកបើកបរយន្តហោះ ដោយសារតែគេបានភ្លេចភ្លាំងមិនដឹងថាខ្លួនធ្វើអ្វីខ្លះពេលនៅលើយន្តហោះ។ នេះបង្ហាញថា ការហោះហើរច្រើនក៏អាចធ្វើឲ្យប៉ះពាល់ដល់សតិ និងការចងចាំអ្នកដែរ។
៣) កម្អួតអ្នកដទៃ៖ អ្នកគួរតែប្រយ័ត្នប្រយែង ព្រោះថាអ្នកធ្វើដំណើរតាមយន្តហោះដែលពុលភាគច្រើនពួកគេតែងតែក្អួត ពេលខ្លះរកថង់មិនទាន់រួចក៏ក្អួតនៅកន្លែងអង្គុយនោះតែម្ដងទៅ។ មុនពេលអ្នកអង្គុយអ្នកប្រហែលមើលមិនឃើញក្អួតទេ ព្រោះគេបានសម្អាតរួចរាល់ហើយ តែយូរៗ ទៅអ្នកនឹងទទួលបានក្លិនកម្អួតនោះតែម្ដង ព្រោះក្លិនវាមិនងាយនឹងបាត់ភ្លាមទេ ៕
ប្រែសម្រួល៖ ព្រំ សុវណ្ណកណ្ណិកា ប្រភព៖news.com.au
