ខណៈពិព័រណ៍ CES 2017 ជិតពេលកំណត់ មានបណ្ដាក្រុមហ៊ុនទូរស័ព្ទ និងក្រុមហ៊ុនកុំព្យូទ័រល្បីៗខ្នាតអន្តរជាតិជាច្រើន ចាប់ផ្ដើមបង្ហើបចេញសមិទ្ធផលថ្មីៗទំនើបៗរបស់ខ្លួនជាបន្តបន្ទាប់។ ជាក់ស្ដែង ថ្ងៃនេះ ក្រុមហ៊ុនអេឡិចត្រូនិកខ្នាតធំរបស់តៃវ៉ាន់ Gigabyte ក៏បានបង្ហាញចេញកុំព្យូទ័រ Gaming PC សមត្ថភាពខ្ពស់ស៊េរីថ្មីរបស់ខ្លួនផងដែរ ដែលមានឈ្មោះ BRIX-GZ1DTi7។ វាជាម៉ាស៊ីនកុំព្យូទ័រដែលត្រូវបានឌីហ្សាញមានរូបរាងប្លែក និងស្អាតមួយបែប ហើយមានលក្ខណៈកាច ដោយធ្វើឱ្យអ្នកបានឃើញរំពឹងថា នឹងមានលក្ខណៈសម្បត្តិ Hardware ខ្ពស់ជាមិនខាន។

កុំព្យូទ័រថ្មី BRIX នេះ មានវិមាត្រ ១៥x១០,១x៥អ៊ីញ គឺរូបរាងតូចស្រួលទុកដាក់ បើប្រៀបធៀបនឹងធុង CPU បច្ចុប្បន្នដែលមានទំហំធំៗ ឬប្រភេទម៉ាស៊ីន Gaming សមត្ថភាពស្រដៀងគ្នាប៉ុន្តែនៅតែធំជាង។ ម៉ាស៊ីនថ្មីនេះ ត្រូវបានបំពាក់មកជាមួយអង្គប្រតិបត្តិ Intel Core i7-6700K ប្រភេទ quad-core គាំទ្រក្រាហ្វិកគុណភាពខ្ពស់ Nvidia GeForce GTX 1070 និងធុង (case) ឌីហ្សាញយ៉ាងឡូយ។ លក្ខណៈសម្បត្តិលំអិតមាននៅលើ BRIX៖ • 16GB of RAM • 240GB M.2 SSD • 1TB 2.5 inch 7200 RPM hard drive • 1 Thunderbolt 3/USB-Type C port • 1 USB 3.1 Type-A port • 5 USB 3.0 Type-A ports • HDMI • Ethernet • 5.1 channel audio • Mic and headphone jacks • 802.11ac WiFi ទោះជាយ៉ាងណា ពេលនេះ ក្រុមហ៊ុន Gigabyte មិនទាន់បញ្ជាក់ឱ្យដឹងអំពីតម្លៃ និងកាលបរិច្ឆេទដែលនឹងដាក់លក់ម៉ាស៊ីន BRIX-GZ1DTi នៅលើទីផ្សារនៅឡើយ។ ប៉ុន្តែឆាប់ៗនេះ ក្រុមហ៊ុននឹងធ្វើការបញ្ជាក់កាន់តែលំអិត ពោលគឺនៅក្នុងព្រឹត្តិការណ៍ CES 2017 ខាងមុខតែម្ដង៕