សិក្ខាសាលា និងតាំងពិព័រណ៍រូបថតប្រារព្ធយូរជាងគេនៅអាស៊ីអាគ្នេយ៍ ចាប់ផ្ដើមនៅសៀមរាបថ្ងៃសៅរ៍នេះហើយ!
ព្រឹត្តិការណ៍ សិក្ខាសាលា និងតាំងពិព័រណ៍រូបថតអង្គរ (Angkor Photo Festival & Workshops) លើកទី១២ នឹងប្រារព្ធឡើងនៅទឹកដីអង្គរ ខេត្តសៀមរាប ចាប់ពីថ្ងៃទី ៣ ដល់ថ្ងៃទី១០ ខែធ្នូខាងមុខនេះ។ នេះជាព្រឹត្តិការណ៍អន្តរជាតិ ដែលអ្នកចូលរួមទាំងអស់ អាចចូលរួមបានដោយសេរី។
កម្មវិធីនេះត្រូវបានបង្កើតឡើង ក្នុងគោលដៅចែករំលែកបទពិសោធន៍ពីសំណាក់អ្នកថតរូបដែលមានបទពិសោធន៍មកពីប្រទេសផ្សេងៗដល់អ្នកថតរូបដែលប្រកបអាជីពយូរហើយ និងអ្នកដែលទើបប្រកបអាជីព ពោលគឺកម្មវិធីនេះធ្វើឡើងដើម្បីលើកកម្ពស់ការអភិវឌ្ឍវិជ្ជាជីវៈថតរូបនៅក្នុងតំបន់អាស៊ីនេះតែម្ដង។ អ្នកជំនាញថតរូប មកពីបណ្ដាប្រទេសផ្សេងៗ នឹងមកចែករំលែកបទពិសោធន៍ដល់អ្នកថតរូបកម្ពុជា ក៏ដូចជាអ្នកថតរូបមកពីបណ្ដាប្រទេសផ្សេងៗទៀត នៅក្នុងទ្វីបអាស៊ី។ ក្រៅពីចែករំលែកបទពិសោធន៍ ពួកគេនឹងបង្ហាញរូបថតនៅក្នុងកម្មវិធីតាំងពិព័រណ៍រូបថតចំនួន ៦នៅក្នុងព្រឹត្តិការណ៍នេះដែរ។
