ថ្មីៗនេះ ក្រុមហ៊ុន Sony ទើបប្រកាសចេញឧបករណ៍ស្ដាប់តន្ត្រី Walkman ស៊េរីថ្មីជំនាន់ edition Walkman ដែលផលិតក្នុងចំនួនកំណត់ប៉ុណ្ណោះ។ វាមានឈ្មោះថា Sony Final Fantasy XV Walkman ដែលនឹងមានលក់នៅលើទីផ្សារជប៉ុនចាប់ពីថ្ងៃស្អែក ក្នុងតម្លៃ ៣៣៨៨០យ៉េន ឬប្រហែល ៣០០ដុល្លារអាមេរិក។

ឧបករណ៍ស្ដាប់តន្ត្រី Limit edition Walkman ថ្មីនេះ មានមេម៉ូរីក្នុងម៉ាស៊ីនស្រាប់ទំហំ 16GB ហើយវាគាំទ្រប្រព័ន្ធសំឡេង Hi-Res Audio ពោលគឺសំឡេងច្បាស់ល្អ និងខ្លាំង ហើយក្រុមហ៊ុន Sony ថែមទាំងបានចេញលក់គ្រឿង accessories ផ្សេងៗសម្រាប់ប្រើប្រាស់ជាមួយ Final Fantasy XV នេះផងដែរ។

ក្រៅពីមានម៉ាក Walkman ក្រុមហ៊ុនក៏បានបញ្ចេញកាសស៊េរីថ្មីឈ្មោះដូចគ្នានឹងម៉ូដែល Final Fantasy XV ផងដែរ ដែលមានតម្លៃប្រហែល ២៨០ដុល្លារ ហើយនិងឧបករណ៍បំពងសំឡេង ដែលមានតម្លៃប្រហែល ២៦០ដុល្លារ៕