ទោះបីគេជាមនុស្សគ្មានស្នេហា ទៅណាមកណាតែម្នាក់ឯងក្ដី ក៏ពួកគេមានរឿងសំងាត់ៗក្នុងចិត្តលាក់ទុក ហើយអ្នកនឹងមិនដឹងពីវាឡើយ។ តើរឿងសំងាត់នោះមានអ្វីខ្លះ? ១) គេគិតថាមិត្តភ័ក្ដិដូចសង្សារអីចឹងដែរ៖ ពួកគេចង់ឲ្យអ្នករាល់គ្នាគិតថា មិត្តភ័ក្ដិគឺដូចជាសង្សារអញ្ចឹងចំពោះពួកគេ។ មិត្តរបស់គេតែងចែករំលែកភាពសប្បាយរីករាយ លើកទឹកចិត្ត ធ្វើឲ្យគេសើចគ្រប់ពេលវេលា ហេតុនេះមិនបាច់មានសង្សារក៏បាន។ ២)គេមិនចង់ឲ្យអ្នកដទៃសួរពីរឿងស្នេហា៖ គេមិនចង់ឲ្យមនុស្សរាល់គ្នាសួរពីរឿងស្នេហាឡើយ ហើយគេក៏មិនចង់ឲ្យអ្នកដទៃគិតថា គេជាមនុស្សសម្លឹងលើរឿងស្នេហាតែមួយមុខដែរ។ ៣) គេមានមូលហេតុដែលមិនចង់មានស្នេហា៖ គេមានមូលហេតុរបស់គេ អាចថាគេមិនចង់យកមនុស្សប្រុសដោយសារចង់មើលមនុស្សឲ្យបានច្បាស់លាស់សិន ព្រោះថាគេមិនចង់មានកំហុសពេលរៀបអាពាហ៍ពិពាហ៍ជាមួយគ្នាហើយនោះទេ៕ ប្រែសម្រួល៖ ព្រំ សុវណ្ណកណ្ណិកា ប្រភព ៖ www.lifehack.org