ថ្មីៗនេះ ក្រុមហ៊ុន Apple ទើបបានសម្ពោធចេញកុំព្យូទ័រ MacBook Pro ស៊េរីថ្មី បង្កប់លក្ខណៈសម្បត្តិថ្មីគួរឱ្យចាប់អារម្មណ៍ពីចំណុច គឺទៅលើរបារថាច់បញ្ជាមុខងារ ហៅថា Touch Bar ជំនួសចង្កឹះមុខងារ (function key) និងមុខងារស្កេនក្រយៅដៃ Touch ID។ ស្របពេលប្រកាសនេះ ក្រុមហ៊ុនក៏ចាប់ផ្ដើមដាច់ឱ្យបញ្ជាទិញបានតែម្ដង ដែល MacBook Pro ទំនើបនេះ មានក្នុងតម្លៃចាប់ពី១៤៩៩ដុល្លារ។

ម៉ូដែលអេក្រង់តូច ១៣អ៊ីញនៃ MacBook Pro បានបំពាក់មកនូវចង្កឹះមុខងារស្តង់ដារធម្មតា ពោលគឺពុំមាន Touch Bar និង Touch ID នោះទេ ដែលតម្លៃរបស់វាចាប់ពី ១៤៩៩ដុល្លារពីថ្ងៃនេះ។ សម្រាប់អ្នកដែលកំពុងរង់ចាំ MacBook Pro ស៊េរីថ្មីអេក្រង់ ១៣អ៊ីញ និង ១៥អ៊ីញដែលមានបំពាក់ Touch Bar និង Touch ID ក៏អាចបញ្ជាទិញបានចាប់ពីថ្ងៃនេះ ជាមួយតម្លៃចាប់ពី ១៧៩៩ដុល្លារ ដែលនឹងអាចលក់ទៅដល់ដៃរបស់លោកអ្នកនៅរយៈពេល ៣ ទៅ ៤សប្ដាហ៍ខាងមុខ។ សម្រាប់ MacBook Pro កម្រិតមូលដ្ឋានបំពាក់ដោយឈីបប្រតិបត្តិ Intel Core i5 ប្រភេទ dual-core ល្បឿន 2.0GHz ជាមួយ Turbo Boost ល្បឿនដល់ 3.1GHz។ MacBook Pro ស៊េរីថ្មីមាន RAM 8GB 1866MHz មានអង្គប្រតិបត្តិ 256GB Pcle-based SSD1 បំពាក់ក្រាហ្វិក Intel Iris Graphics 540 និង 2x Thunderbolt 3។ កុំព្យូទ័រស៊េរីថ្មី គឺមានសមត្ថភាពខ្ពស់ ល្បឿនលឿន ជាងជំនាន់ និងមានកម្រាស់ស្ដើងជាងមុន ទម្ងន់ស្រាលជាងមុន៕