ក្រុមហ៊ុន Huawei មិនចង់ឱ្យ Microsoft ដើរលើផ្លូវជំនួញកុំព្យូទ័របានរលូនស្រួលនោះទេ។ កាលពីខែមុន ក្រុមហ៊ុន Microsoft បានបញ្ចេញវីដេអូពាណិជ្ជកម្មចំអកឱ្យថេប្លេត iPad Pro របស់ Apple។ ក្រុមហ៊ុន Microsoft បានចាប់យកឱកាស បង្ហាញដល់សាធារណជនឱ្យឃើញនូវលក្ខណៈពិសេសៗនៅលើកុំព្យូទ័រកូនកាត់ថេប្លេត Surface Pro 4 អមដោយ trackpad អង្គប្រតិបត្តិសមត្ថភាពខ្ពស់ជាងមុន ដំណើរការកម្មវិធីការិយាល័យពេញលេញ (full desktop office) ហើយនិងមានរន្ធ external port ងាយស្រួលសម្រាប់តំណភ្ជាប់ផ្សេងៗ។

ចំណែកពេលនេះ ដល់វេនក្រុមហ៊ុន Huawei ម្ដង ដោយបានផលិតចេញវីដេអូពាណិជ្ជកម្មដើម្បីផ្សាយលើកស្ទួយពីចំណុចពិសេសៗមាននៅលើកុំព្យូទ័រស៊េរីថ្មីរបស់ខ្លួនគឺ MateBook ដែលត្រូវបានឌីហ្សាញទាន់សម័យ និងមានបច្ចេកវិទ្យាស្កេនក្រយៅដៃ ដែលពិសេសជាង Surface Pro 4។ ទោះបី Huawei MateBook ប្រើប្រាស់ Windows 10 ដូចជា Surface Pro 4 ពិតមែន ហើយ MateBook មិនមានរន្ធ external port ដូចនៅលើ Surface Pro 4 ប៉ុន្តែ MateBook មានរន្ធ USB-C។ https://youtu.be/o_QWuyX8U18 https://youtu.be/j-4DdqeJqM8 កុំព្យូទ័រ MateBook ថ្មីរបស់ Huawei នឹងមានតម្លៃចាប់ពី ៦៩៩ដុល្លារសម្រាប់ម៉ូដែលប្រើប្រាស់អង្គប្រតិបត្តិ Core M3 / 128GB។ ប្រសិនអតិថិជនត្រូវការលក្ខណៈសម្បត្តិខ្ពស់ពេញលេញ ដោយប្រើ Skyrocket នោះនឹងត្រូវចំណាយប្រាក់បន្ថែម។ ប៊ិច Stylus នៅលើ Huawei MateBook មានតម្លៃ ៦០ដុល្លារ ហើយក្ដារចុច folio មានតម្លៃ ១៣០ដុល្លារ និង dock មានតម្លៃ ៩០ដុល្លារ៕