ថ្មីៗនេះ ក្រុមហ៊ុន Facebook ទើបបានប្រកាស ដាក់ចេញកម្មវិធី iOS ថ្មីមួយ ដែលបង្កើតដោយអ្នកក្មេងជំនាន់ក្រោយមានអាយុនៅវ័យក្មេងត្រឹមតែ ១៩ឆ្នាំ ប៉ុន្តែពោរពេញដោយសមត្ថភាពជាអ្នកសរសេរកម្មវិធីយ៉ាងល្អ។ កម្មវិធីនេះ មានឈ្មោះថា Lifestage ដែលសរសេរដោយបុរសវ័យក្មេងឈ្មោះ Michael Sayman។

កម្មវិធីនេះ Lifestage ត្រូវបានបង្កើតឡើងសម្រាប់តម្រូវគោលដៅអ្នកប្រើដែលមានវ័យចាប់ពី ២១ឆ្នាំចុះក្រោម។ Lifestage នឹងអាចទាក់ទាញចិត្តអ្នកប្រើភាគច្រើនគឺក្មេងជំទង់ ដែលវាអាចប្រែក្លាយជីវប្រវត្តិរបស់អ្នកនៅលើ Facebook បង្កើតទៅជា Video សម្រាប់ Profile របស់អ្នកបាន។

ជំនួសឱ្យការបន្ថែមរូប emoji ដូចជារូប smile, dislike, sad face ឬ happy face កម្មវិធីនឹងសួរទៅអ្នកតើចង់បង្កើតវីដេអូដែរឬទេ។ ប្រសិនអ្នកចង់បង្ហាញឱ្យមិត្តភ័ក្ដិរបស់អ្នកមើលឃើញពីក្បាច់រាំរបស់អ្នក អ្នកអាចធ្វើវាបានដូចគ្នា ដោយការថតវីដេអូនូវការរាំរបស់អ្នក។ បន្ទាប់ពីអ្នកបានបង្កើតវីដេអូជាច្រើនដែលអ្នកចង់ធ្វើរួចហើយ កម្មវិធី Lifestage នឹងបង្កើតវាទៅជាវីដេអូសម្រាប់ដាក់តាំងលើវីដេអូ Profile ដែល Friend របស់អ្នកអាចទស្សនាបាន។ វីដេអូឃ្លីបទាំងឡាយ ដែលអ្នកបានតាំងលើ Profile រួចហើយ ក៏អាចផ្លាស់ប្ដូរថ្មីផងដែរ ប្រសិនបើអ្នកយល់ថា វីដេអូនោះជារឿងអាម៉ាស់របស់អ្នក។

ដើម្បីបង្កើតវីដេអូមួយសម្រាប់តាំងលើ Profile ដោយប្រើកម្មវិធី Lifestage អ្នកត្រូវបង្កើតគណនី (Sign Up) ហើយចុចរើសយកសាលា High school របស់អ្នក។ មិនយូរប៉ុន្មាននឹងមានការអះអាង ហើយអ្នកនឹងអាចមើលឃើញវីដេអូ Profile ពីមនុស្សដែលជា Friend ទាំងឡាយរៀននៅសាលាតែមួយ ហើយក៏ប្រហែលជាអ្នកដែលជិតដិតនឹងអ្នកបំផុតក៏ថាបាន។ យោងតាមក្រុមហ៊ុន Facebook បានលើកឡើងថា នៅពេលអ្នកបង្ហោះវីដេអូសម្រាប់ Profile ជាមួយកម្មវិធី Lifestage នោះ Profile នោះនឹងបង្ហាញជាសាធារណ ដូច្នេះអ្នករាល់គ្នាគឺអាចមើលឃើញ។ Lifestage គឺជាកម្មវិធីមានលក្ខណៈសាមញ្ញងាយស្រួលប្រើ ហើយដំណើរការបានជាមួយ iOS ដោយឥតគិតថ្លៃ៕ ទាញយក Lifestage ដោយឥតគិតថ្លៃពី Apple Store