ក្រុមហ៊ុន Google នឹងបង្ហាញទិន្នន័យ Facebook នៅក្នុងផ្ទាំងស្វែងរករបស់ខ្លួន
ក្រុមហ៊ុន Facebook នឹងផ្តល់ព័ត៌មានរបស់ខ្លួនទៅអោយក្រុមហ៊ុន Google សម្រាប់ការស្វែងរករបស់ក្រុមហ៊ុនមួយនេះ គឺមានន័យថា Facebook នឹងអនុញ្ញាតអោយទិន្នន័យរបស់ខ្លួនបង្ហាញក្នុងផ្ទាំងស្វែងរករបស់ Google។
តាមរបាយការណ៍ពី The Wall Street Journal កាលពីថ្ងៃច័ន្ទបានអោយដឹងថា Facebook កំពុងចាប់ផ្ដើមអនុញ្ញាតអោយ Google ធ្វើការទាញទិន្នន័យរបស់ខ្លួនសម្រាប់សម្រួលដល់ការស្វែងរក។
នៅពេលអ្នកស្វែងរកធ្វើការស្វែងរកក្នុង Google វានឹងបង្ហាញរាល់ទិន្នន័យ រួមទាំងបង្ហាញនូវព័ត៌មានទាក់ទងនឹងគណនេយ្យក្នុង Facebook ដែរ។
ប៉ុន្តែ Google មិនអាចបង្ហាញពីព័ត៌មានមួយចំនួនទាក់ទងនឹង ការចែករំលែក ឬការ Login រួមនិងព័ត៌មានសំងាត់របស់អ្នកប្រើក្នុង Facebook បានឡើយ ដែលការងារទាំងអស់នោះគេអាចធ្វើបានតាមរយៈFacebook ប៉ុណ្ណោះ៕
