នៅក្នុងកញ្ចក់បច្ចុប្បន្នភាពថ្មី Windows 10 Anniversary Update ដែលក្រុមហ៊ុន Microsoft ទើបដាក់ចេញនាពេលថ្មីៗនេះ បាននាំមកនូវមុខងារថ្មីៗមួយចំនួន សម្រាប់ប្រព័ន្ធប្រតិបត្តិការ Windows ជំនាន់ចុងក្រោយ Windows 10។ Windows 10 ត្រូវបានអភិវឌ្ឍ និងកែប្រែចំណុចខុសឆ្គងពីមួយជំនាន់ទៅមួយជំនាន់។ បន្ទាប់ពីលោកអ្នកដែលបានធ្វើបច្ចុប្បន្នភាព (update) ប្រព័ន្ធនេះ នឹងធ្វើឱ្យរូប icon និង shortcuts ខ្លះ មានបញ្ហា ឬប្រហែលត្រូវលុបចេញពី Desktop ដូចជា Windows Store រូប icon កម្មវិធី Edge browser នៅលើ Taskbar ជាដើម។

  ទន្ទឹមការធ្វើបច្ចុប្បន្នភាពថ្មីនេះ Microsoft នឹងផ្ដល់សុវត្ថិភាពដល់ប្រព័ន្ធ ដោយការ backup ឬចម្លងទុក Windows មុនពេលដែលមិនទាន់អាប់ដេត ជៀសវាងមានបញ្ហាប៉ះពាល់ដល់ប្រព័ន្ធ ក្រោយអាប់ដេតរួច។ បែបនេះ Drive C របស់កុំព្យូទ័រនឹងមានជា folder ថ្មីមួយកើតឡើងគឺ Windows.Old។ មិនខុសពីប្រព័ន្ធសូហ្វ៊ែរដែលអ្នកកំពុងប្រើនោះទេ Windows.old នឹងមានទំហំ (space) ខ្ទង់ជី (Gbs) ដែលជាមូលហេតុមួយនាំឱ្យ HDD ឆាប់អស់ទំហំទំនេរ (space)។

ដើម្បីសន្សំសំចៃ Space មួយកម្រិតអ្នកអាចលុបថតឯកសារ Windows.old នេះបាន ដោយវាមានទំហំខ្ទប់ជីហ្គាបៃឯណោះ។ សូមអនុវត្តតាមជំហានខាងក្រោម៖

១) ចូលទៅ Start ហើយវាយ “Disk cleanup” ២) បើក Disk Cleanup ហើយជ្រើសយក main system drive (ឬ Drive C) របស់កុំព្យូទ័រ។ Tool នឹងធ្វើការស្កេន Drive រកនូវរាល់ file និងទិន្នន័យ cached ចាស់ៗដែលមិនត្រូវការ។ ទោះជាយ៉ាងណាថតឯកសារ Windows.old នឹងមិនត្រូវបានរាប់បញ្ចូលទេ។ ៣) អ្នកត្រូវជ្រើសរើសជម្រើស “Clean up system files” ដែលស្ថិតនៅក្បែរផ្នែកខាងក្រោមនៃ Window។ ចុចរើសយក main drive ម្ដងទៀត ហើយដំណើរការស្កេននឹងចាប់ផ្ដើម។ ៤)លទ្ធផលស្កេននឹងបង្ហាញចេញនូវប្រភេទទិន្នន័យផ្សេងគ្នា ពី Recycle Bin និង internet cache បណ្ដោះអាសន្ន។ “Temporary Windows installation files” នឹងស្ថិតនៅទីនោះ ដែលមានទំហំប្រហែល 9GB ឬច្រើនជាងនេះ។ ៥) ចុចរើសយក file ទាំងឡាយដែលអ្នកចង់លុប រួមទាំង Windows installation files។ ចុចលើ OK។ បន្ទាប់មកអះអាង (confirm) នូវផ្ទាំងបញ្ជាក់ (prompts)។ បញ្ជាក់៖ របៀបលុបឯកសារនេះ គឺផ្ដល់នូវសុវត្ថិភាព ហើយអ្នកអាចត្រឡប់ទៅកាន់សភាពដើម ឬ Recover វិញ លុះណាតែឯកសារដែលបានលុបចូលទៅធុងសំរាម (Recycle Bin) មិនទាន់ត្រូវបានលុបចេញប៉ុណ្ណោះ។ តើលោកអ្នកបានធ្វើបច្ចុប្បន្នភាព Windows 10 Anniversary Update ហើយឬនៅ? ប្រសិនមិនទាន់ទេ ហើយចង់អាប់ដេត សូមចូលទៅ Settings → Update & Security → Windows Update → Check for Update។ ដោយ៖ រឹទ្ធិរាជ ប្រភព៖ techspot