ធ្លាប់ដឹងអត់ថា Samsung ធ្លាប់ចេញស្មាតហ្វូនភ្លោះនឹង iPhone 6s ពីរម៉ូដែលគឺ Galaxy C5 និង C7!
សង្កេតឃើញបណ្ដាក្រុមហ៊ុនទូរស័ព្ទធំៗ ប៉ុន្មានឆ្នាំចុងក្រោយនេះ មានការប្រកួតប្រជែងគ្នាយ៉ាងខ្លាំងនៅលើទីផ្សារស្មាតហ្វូនទំនើបៗ។ ហើយក្នុងនោះ iPhone 6S របស់ Apple បានដុតកម្ដៅជាមួយបណ្ដាស្មាតហ្វូន របស់ក្រុមហ៊ុនទូរស័ព្ទមួយចំនួនដែលជ្រើសរើសប្រើ Android OSយ៉ាងខ្លាំង។ ជាក់ស្ដែង Samsung គឺជាដៃគូប្រជែងធំរបស់ Apple តែម្ដង។បើងាកមើលពីរចនាបថស្មាតហ្វូនស៊េរី Galaxy S វិញ ហាក់មានការប្រែប្រួលរូបរាងចាប់តាំងពី Galaxy S6 មក។ យ៉ាងណា ការផ្លាស់ប្ដូរឌីហ្សាញថ្មី ហាក់ដើរតាមក្រោយ Apple បន្តិចព្រោះនៅក្នុងឆ្នាំ២០១៥ ដែល Galaxy S6 បង្ហាញខ្លួន គឺក្រោយពេល Apple ប្រកាស iPhone 6 ទៅហើយ។