កាសប៊្លូធូស Gear IconX បន្ទាប់ពី Samsung ប្រកាសចេញផ្លូវការកាលពីខែមិថុនាកន្លងទៅ ពេលនេះ ក្រុមហ៊ុនបានដាក់លក់នៅលើបណ្ដាទីផ្សារមួយចំនួនហើយ ដែលមានតម្លៃ ១៩៩,៩៩ដុល្លារអាមេរិក។ Gear IconX ពិតជាកាសឥតខ្សែ ១០០% ព្រោះសូម្បីតែក្បាលកាសទាំងសងខាង (ខាងឆ្វេង និងខាងស្ដាំ) គឺមិនជាប់គ្នា ដូចជាកាសភាគច្រើននៅលើទីផ្សារបច្ចុប្បន្ននោះទេ។ https://youtu.be/YhZnToYbp5o ក្រុមហ៊ុន Samsung បានបន្ថែមមុខងារ fitness tracker ទៅលើកាស earbuds នេះ ដែលអាចដំណើរការជាមួយកម្មវិធី S Health បាន។ វាថែមទាំងបង្កប់មុខងារត្រួតពិនិត្យចង្វាក់បេះដូងផងដែរ ក្រៅពីអាចតាមដានសារធាតុកាឡូរីដែលបានដុតបំផ្លាញ ចម្ងាយផ្លូវដែលបានដើរ ឬរត់ និងមុខងារផ្សេងៗទៀត។ វាក៏នឹងត្រូវបានច្របាច់បញ្ចូលអាចប្រើជាមួយខ្សែដៃ fitness លក្ខណៈ third party ផងដែរ។

  កាស Gear IconX គាំទ្រមុខងារ Bluetooth 4.1 អាចភ្ជាប់ទៅកាន់ស្មាតហ្វូនចាប់ពី Android 4.4 ឡើងទៅ។ ពេលនេះ វាមានលក់នៅតាមបណ្ដាទីផ្សារមួយចំនួនដូចជា អង់គ្លេស អាល្លឺម៉ង់ បារាំង រុស្សី កាណាដា អូស្ត្រាលី និងកូរ៉េ។ វាមានជម្រើសពណ៌ចំនួន៣ គឺពណ៌ខ្មៅ ពណ៌ស និងពណ៌ខៀវចាស់ ដែលមានតម្លៃ ១៩៩ដុល្លារអាមេរិក៕