អគ្គលេខាធិការUN លោក បាន គីមូន នឹងទស្សនកិច្ចជាប្រវត្តិសាស្ត្រនៅកូរ៉េខាងជើងសបា្តហ៍នេះ
អគ្គលេខាធិការអង្គការសហប្រជាជាតិ លោក បាន គីមូននឹងបំពេញទស្សនកិច្ច ទៅកាន់ទីក្រុងព្យុងយ៉ាង ប្រទេសកូរ៉េខាងជើងនៅសបា្តហ៍នេះ។
កាលពីដើមឆ្នាំ២០១៥កន្លងទៅ លោក បាន គីមូនដែលមានកំណើតពីប្រទេសកូរ៉េខាងត្បូងនោះ មានគម្រោងទៅទស្សនកិច្ចនៅកូរ៉េខាងជើងផងដែរ ប៉ុន្តែរដ្ឋាភិបាលទីក្រុងព្យុងយ៉ាងបានបដិសេធមិនឲ្យមានដំណើរទស្សនកិច្ចនេះកើតឡើងឡើយ ដោយមិនពន្យល់ហេតុផលអ្វីទាំងអស់។ ដូច្នេះហើយដំណើរទស្សនកិច្ច ទៅកាន់ប្រទេសកូរ៉េខាងជើងលើកនេះ គឺជារឿងកម្របំផុត។
បើតាមការចុះផ្សាយរបស់បណ្តាញសារព័ត៌មានមួយចំនួន លោក បាន គីមូនគ្រោងនឹងជួបពិភាក្សាជាមួយនឹង លោក គីម ជុងអ៊ុនមេដឹកនាំកំពូលរបស់រដ្ឋាភិបាលព្យុងយ៉ាងផងដែរ។
សូមបញ្ជាក់ថា ប្រទេសកូរ៉េខាងជើងទទួលរងនូវទណ្ឌកម្មសេដ្ឋកិច្ចជាច្រើន ពីសំណាក់សហភាពអឺរ៉ុប និង អង្គការសហប្រជាជាតិ ដោយសារតែការបាញ់សាកល្បងអាវុធនុយក្លេអ៊ែរជាច្រើនលើក៕
ដោយ៖ រតនា វិចិត្រ
ប្រភព៖ Reuters
