ថ្មីៗនេះ ក្រុមហ៊ុន Xiaomi ទើបប្រកាសចេញយន្តហោះដ្រូនថ្មីម៉ូដែល Mi Drone បំពាក់ដោយកាមេរ៉ាកម្រិត 4K និងមានតម្លៃ ៤៥០ដុល្លារ។ តាមពិត Mi Drone បានបែងចែកជាពីរម៉ូដែល ហើយម៉ូដែលមួយទៀតនោះគឺភ្ជាប់កាមេរ៉ាត្រឹមកម្រិត Full HD និងមានតម្លៃធូរថ្លៃជាងត្រឹមតែ ៣៨០ដុល្លារ។

ដ្រូនថ្មីនេះ នឹងអាចហោះបានរយៈពេល ២៧នាទី ហើយកាមេរ៉ាដែលបំពាក់លើនោះ មានសមត្ថភាពថតរូបក្នុងមុំទូលាយ ១០៤ដឺក្រេ និងមានមុខងារថត ៣៦០ដឺក្រេ។ Mi Drone បានបំពាក់ដោយបច្ចេកវិទ្យា GPS និង GLONASS សម្រាប់មុខងារកំណត់ទីតាំង បំពាក់ sensors នៅផ្នែកខាងក្រោម មានមុខងារ live-streaming video ផ្ញើទៅកាន់ Smartphone ដែលបានភ្ជាប់ជាមួយ។ https://youtu.be/YIDKMpM_uSc https://youtu.be/IS9Jaj6FrvQ Mi Drone អាចថតច្បាស់កម្រិត 1080p សម្រាប់ម៉ូដែលធូរថ្លៃ ឬកម្រិត 4K សម្រាប់ស៊េរីខ្ពស់ ដែលអាចរក្សាជាប្រភេទឯកសារ RAW អមដោយកាមេរ៉ាទំហំ 16MP បច្ចេកវិទ្យា Sony sensor សម្រាប់ម៉ូដែល 4K ហើយទំហំ 12MP ថតបានកម្រិត 3840x2160px៕