អនុវត្តគន្លឹះទាំង៤នេះ ដើម្បីបញ្ចៀសការងងុយគេងក្នុងពេលអានសៀវភៅ
ភាគច្រើនបញ្ហានេះកើតឡើងចំពោះសិស្សជាពិសេសគឺសិស្សថ្នាក់ឧត្ដមសិក្សាដោយសារតែពួកគេមានកិច្ចការសាលាច្រើនត្រូវធ្វើដែលតម្រូវឲ្យពួកគេអាន។ ឬក៏អាចកើតមានចំពោះអ្នកដែលចាប់ផ្ដើមចង់មានទម្លាប់អានជាប់ខ្លួនតែមានការពិបាកដោយសារអានមិនបានយូរ។ ខាងក្រោមនេះជាចំណុចមួយចំនួនដែលអាចជួយអ្នកបាន៖
១) កុំអានសៀវភៅតែម្យ៉ាង៖ នៅពេលដែលអ្នកអាន អ្នកគួរតែកត់ទុកចំណុចណាសំខាន់ៗ ឬក៏បើកចម្រៀងស្ដាប់តិចៗ តែកុំធ្វើឲ្យសកម្មភាពទាំងអស់នោះក្លាយជាការរំខានខ្លាំងឲ្យសោះ។
២) អានម្ដងបន្តិចៗ៖ អ្នកគួរអានម្ដង១០ ឬ២០ ទំព័រ ហើយទៅសម្រាក៥នាទីដើម្បីគិតពីអ្វីដែលអ្នកទើបតែអានហើយ ទោះបីជាការធ្វើបែបនេះអាចធ្វើឲ្យអ្នកអានយឺតជាងធម្មតាក៏ពិតមែន តែវាមានប្រសិទ្ធភាពខ្ពស់។
៣) រក្សាគំលាតរវាងភ្នែក និង សៀវភៅ៖ អ្នកគួរតែចែកគំលាតចម្ងាយពីភ្នែកទៅនឹងសៀវភៅឲ្យបានល្អ ព្រោះបើអ្នកអានជិតសៀវភៅពេក វាអាចធ្វើឲ្យអ្នកឆាប់ទន់ភ្នែក។
៤) កុំអានពេលគេង៖ រកកន្លែងដែលស្រួលសម្រាប់អ្នកក្នុងការអង្គុយអាន មិនមែនគេងអាននោះទេ ដោយសារថាមិនយូរមិនឆាប់នោះទេ អ្នកនឹងគេងជាមិនខាន៕
ប្រែសម្រួល៖ តូច មាយ៉ារស្មី
ប្រភព៖ www.healthcentral.com
