លោក គឹម ហ៊ាង បង្ហាញគន្លឹះ ៥យ៉ាងធ្វើឱ្យវិស័យអចលនទ្រព្យកម្ពុជារីកចម្រើនដោយនិរន្តរភាព!
កាលពីយប់ថ្ងៃទី ៥ សីហា ម្សិលមិញ លោក គឹមហ៊ាង ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា(CVEA) និងជាម្ចាស់ក្រុមហ៊ុន KHMER REAL ESTATE បានសរសេរនូវលើគណនីសង្គម Facebook របស់លោកនូវគន្លឹះ ៥យ៉ាង ដើម្បីឱ្យវិស័យអចលនទ្រព្យនៅកម្ពុជាអាចរីកចម្រើនប្រកបដោយនិរន្តភាពបានក្នុងនោះមាន៖
១) ប្លង់ដីសម្រាប់ដីឡូតិ៍ បុរី និងខុនដូ មិនគួរត្រូវបានអនុញ្ញាតឱ្យដាក់បញ្ចាំងនៅធនាគារ ដើម្បីខ្ចីលុយ ព្រោះបើលុយទិញដី គាត់មិនមានគ្រប់ផង តើគាត់មានលុយឯណាទៅអភិវឌ្ឍន៍ និងសាងសង់។
២) ឈប់បានឈប់ទៅចំពោះពាក្យថា ទិញដោយគ្មានការប្រាក់ និងបង់រំលោះដោយគ្មានប្រាក់កក់ ព្រោះវាអាចធ្វើឱ្យមានការយល់ច្រឡំដល់ប្រជាជនទូទៅ។
៣) អ្នកទិញត្រូវតែមានប្រាក់កក់ពី៣០% ដល់៥០% ហើយនៅសល់អាចខ្ចីធនាគារបាន ដើម្បីធានាបានថា គាត់ជាអ្នកទិញពិតប្រាកដ ហើយអាចឱ្យអ្នកលក់យកលុយនេះទៅអភិវឌ្ឍន៍ និងសាងសង់បាន។
៤) អ្នកអភិវឌ្ឍន៍មិនគួរត្រូវបានអនុញ្ញាតអោយទទួលការបង់រំលោះដោយផ្ទាល់ជាមួយអ្នកទិញ ព្រោះវាជាការងាររបស់ធនាគារ ហើយមានអ្នកអភិវឌ្ឍន៍ជាច្រើនបានយកប្លង់ដីគម្រោងទៅបញ្ចាំនៅធនាគារ ការប្រាក់ ៧% ដល់៨% តែគាត់តម្រូវឱ្យទិញបង់រំលោះជាមួយគាត់វិញពី១២%ដល់១៨% ប្រចាំឆ្នាំ។
៥) សូមធ្វើការងារតាមជំនាញ និងភាពស្មោះត្រង់របស់ខ្លួន ដើម្បីឱ្យខ្លួនឯង ក្រុមគ្រួសារ និងសង្គមជាតិ៕
